I natt er eg på nattevakt. Natta er den tida på døgnet då mennesket er på sitt mest navlebeskuande. Eg er ikkje hakket betre, i natt har eg har funnet tida mogen for å laga ei liste over planane mine for tida framover:1. Eg skal gje jamnt faen i korleis Arne Strand (Dagsavisen) meiner at SV må oppføra seg for å overleva i regjeringsposisjon.
2. Eg skal drikka meir vin. For ti år sidan var eg ein aktiv vinleggjar, og eg lot aldri sjansen gå frå meg til å sei nokre ord om kor mykje godt det bur i ei flaske heimelaga fikenvin. Vegen frå nokre stillfarne glas vin til gode kvardags-samtalar om (til dømes) politikk eller økofilosofi var heller aldri lang.
Kvar vart det av mitt gamle engesjement? Frå i morgon av kastar eg meg over vinflaska igjen.
3. Eg skal leva eit langsommare liv enn eg har gjort i det siste. For å greia dette, skal eg: A. Berre ta trikken, aldri (eller i nødsfall) T-banen eller bussen. B. Starta med qi gong. C. Surfa mindre, lesa meir.
4. Eg skal læra meg å leva med at Brann aldri vinn seriegull. Det vil spara meg for mange tunge dagar, spesielt no som hausten kjem.
5. Eg skal bli "beste tysnesing" på Berlin halvmaraton til våren. Ja, du leste rett, intet mindre.
Eg ligg allereie i hard trening på studentsamskipnaden i Oslo sine tredemøller. Legg merke ein utrent, langhåra tredveåring i ei utvaska Branndrakt frå 1980 neste gong du er innom Sentrum Athletica. Der har du meg, i rute mot ei etterlengta målplassering ved Brandenburger Tor 8.april 2007.
4 kommentarer:
Stakk innom for å si hei, bare. Tromsø er som før. Kanskje vi sees på en av mine snart mange Oslo-turer.
Høres ut som en fin plan. Velkommen til Oslo, får jeg vel si, som har vært her et par uker mer :)
eg vil ver me å drikka vin!!! enten på D elle i storbyen, sama det så lenge det blir masse goe vin!
Veldig bra blogg side dette.
Mer vin, mer trikk og mindre stress - jeg bare skriver under på dine gode ord om livet.
Nå kommer jeg og gunnar med vår politisk analyse nettside snart også.
Snx
Legg inn en kommentar